Sunday, 23 April 2017


"Khoon abhi bhi nhi band ho raha hai... she needs medical help", ye bolkar Rakshit use apni god me utha leta hai... ek ajeeb sa ehsaas Rakshit ko chhoo jaata hai... aisa ehsaas use pehle kabhi nahi hua tha...
 Dono ladki ko lekar medical room me pahunchte hain jahan use treatment diya jaata hai....
" Thank you so much... aap dono ne meri itni help ki... I am Harshita Ahlawat EC branch", Harshita shukriya ada karte huye kehti hai...
"We can't accept your thanks.... infact we are sorry, vo kaanch jaroor kisi ne ham dono kee liye failaya hoga.... sabhi ko pata hai ki ham dono shaam 6 se 7 basketball practice karte Hain", Anant gusse me tha...
"Calm down bro, he'll have to pay for this", Rakshit Anant ko samjhata haii...
"Vaise mere madadgaaron ka kuchh naam bhi to hoga na?", Harshita mahol ko halka karne ki koshish karti hai....
" Myself Rakshit and he's my best buddy Anant, civil 3rd year...nice to meet you miss Harshita....", Rakshit introduction deta hai...

"Are aap dono to mere senior hai..."
"Aur hame sir bhulane ki koi jarurat nhi hai... denote us by our names", Anant Harshita ki baat ko beech se kaat deta hai..
"Ok sir"... "Oh sorry sorry"
Dono Harshita ki or ghoorte hai, fir ek sath hansne lagte hain...Dono ki hansi me Harshita ki hansi bhi samil ho jaati hai
***
"Are sambhal ke", Rakshit ki aawaj se Anant ki tandra tooti aur vo vartman me wapas aata hai... ek jangali gaay(Neel gay) car se takrate takrate bachi...."I am really very sorry", Anant maafi mangta hai...shayad koi uljhan thi Anant ke man me..." Tu itna formal kab se ho gaya be.... saale dost ko sorry bolta hai"... Anant Rakshit ki baat ka koi jawab nahi deta hai aur thodi door chalkar car ko park kar deta hai... teeno car se bahar aate hain... road ke daayien or unhe ek dhaba nazar aata hai- Pathak Bhojnalay...
 Teeno dhabe ke andar  ek khaali table par paith jaate hain.... dhaba kaafi bada tha... sheher ke naami restaurants se bhi bada... darasal road ke kinare ek khet me banaya gaya tha...
Un teeno ke alawa sirf do aur log the is dhabe me jo khana khane me vyast the.... raat ke 11 baje aise kshetra me aur ummeed bhi ki jaa sakti hai...baatcheet ke lahze se lag raha tha ki vo truck driver hai aur nashe me dhut hain... shukra tha ki dhabe me bizli ki vyavastha thi.... charo or 100 watt ke bulb latke huye the par unki roshni kaafi kamjor thi... shayad voltage ki samasya thi
"Waiter menu plz",Harshita zor se bolti hai.... Harshita ki is harkat par dono ko hansi aa jaati hai...
Harshita ko achanak apni galti ka ehsaas hota hai ki vo kisi restaurant me nhi balki sadak kinare ek dhabe me baithi hai...Aur vo bhi dheere se muskura deti hai
  Khair Harshita ki pukar ke jawab me ek 14- 15 saal ka ladka aata hai
" kya khayenge saab?"
"Kuchh bhi khila de chhotu... vaise bhi mujhe nahi lagta ki kuchh khas milega itne time", Rakshit khane ko lekar kuchh jyada hi nirash tha
" nahi saab ham khane ko lekar koi samjhauta nhi karte... aapko 5 tarah ki daal 3 tarah ki sabji... 2 sabji mix wali... aur 2 paneer ki sabji milegi aur han 3 tarah ke chawal bhi hai..."
Ladka turant apni safai deta hai...
"Waah chhotu tune to dil khush kar diya... tu sabkuchh laga de... saab ki nayi nayi shaadi huyi hai moti tip milegi", Anant ne ladke se kaha...
 Anant ka swabhav tha hi kuchh aisa... ekdam milansaar jo bhi mile dost bana lo...
Halanki ladka jyada padha likha nahi lag raha tha par TIP ka matlab vo turant samajh gaya..." Bas 10 minute ruko saab ham bas abhi khaana late hai..."
***
"Bas 10 minute rukiye bhaiya...abhi laya... "
"Tujhe pata hai na cheese Paties meri favorite hai fir bhi tune khatam kar di", Anant gusse se Monty ki or dekhta hai
 Monty IIT delhi ki canteen me kaam karta...Anant aur Rakshit se kafi ghula mila tha...Aj Harshita  pehi bar in dono ke sath canteen aayi thi... Basketball court wali ghatna ke baad Harshita bhi Rakshit aur Anant ke gang me shamil ho gayi thi
" Ye aapki nayi girlfriend hai kya..." Monty Rakshit ke kaan me kehta hai Harshita ki or ishara karte huye....
Rakshit Monty ko ghoor ke dekhta hai....Anant Monty ki harkat ka matlab samajh jaata hai , "Monty ye hamari nayi dost hai Harshita Ahlawat 1st year ... inhe kabhi koi problem nahi honi chahiye"

Aur vakai me us din ke baad Harshita ko koi problem nahi huyi.... Rakshit aur Anant hamesha saye ki tarah uske sath rahte the
Ek saal beet gaya... aur ye dosti kab pyaar me badal gayi Anant ko pata hi nahi chala... usne faisla kar liya ki semester exams se pehle vo apne dil ki baat Harshita ko bata dega.... aur Rakshit aur Harshita ko ek sath batayega...
Vo din aa hi gaya jiska Anant besabri se intezar kar raha tha...
Usne dono ko shaam 5 baje usi jagah bulaya jahan se ye sab shauru hua tha- Basketball Court
5 se 6 ho gaya.... aur 6 se 7 koi nahi aaya... aayi to bas ek khabar ki Rakshit city hospital me admit hai kaafi gehri chotein aayi hain... kya hua koi nahi jaanta tha...Anant aanan faanan me hospital pahunchta hai... Harshita ICU ke bahar baithkar ro rahi hai....Anant ko dekhte hi uske gale lag jaati hai,"Please Anant Rakshit ko bacha lo"
Harshita ne pehli baar Anant ko is tarah se gale lagaya tha... Anant ko ek pal ke liye laga aj dil ke saare jazbaat bahar aa jaayenge...Shayad ye sahi samay nahi tha apni bhavnaaon ko jahir karne ka...par Anant galat soch raha tha, bhavnaayein jahir karne ka koi sahi samay nahi hota... vo to bas bahar aa jaati hain... aur bhavnaayein aakhir bahar aa gayin
"Please Anant Rakshit ko bacha lo... I love him so much... mai uske bina jinda nahi reh sakti"...
ICU me Rakshit tha aur jaan Anant ki ja rahi thi... dil ne dhadakna band kar diya... ek bachche ka mitti ka khilona toot gaya... ek adhoora sapna toot gaya... Anant ki aankhein jharna ho gayin aur Haishita ko bhigone lagi...
"Mere rehte Rakshit ko kuchh nahi hoga Harshita.... have patience... mai abhi Doctor se baat karta hun"
***

" shaadi meri huyi hai aur nayi naveli dulhan ki tarah tum sharma rahe ho.... kuchh to bolo, kafi der se shant ho tum", Harshita Anant ko uske khayalon ki duniya se bahar laati hai
" Actually thoda thak gaya hun.... nothing much"
"Saab khana taiyar hai kya... laga dein kya?" Beech me hi ladke ki awaj sunayi deti hai
"Neki aur puchh puchh... jaldi lekar aa bhai", Anant baat ko taal deta hai
 Ladka khana lekar aata hai aur teeno khane par is tarah toot padte hai mano 10 din ke bhookhe ho....
"Wow its too yummy... aisa khana maine poori life me nahi khaya... khane me kya milate ho chhotu?"
Harshita ki tarif se ladka kafi khush ho jaata hai
"Thanku Mem saab... vaise hamara naam chhotu nai sonu hai"

"Han to sonu ji jaldi jaldi hamara bill lekar aao" Rakshit thoda mazak ke lahze me kehta hai...
" vo to ham pahile le aaye hain saab... aath sau pachchees rupaye huye saab"
Rakshit sonu ko 1000 ka note deta hai aur bolta hai," baaki ke tum apne pas rakh lena chhotu"
Teeno chalne ke liye uth khade hote hai achanak se Sonu unhe tok deta hai," Aap log mujhe bahut achhe aadmi lage saab... aap se log se vinti hai ki aage mat jaao... aaj raat yahin rook jaao... dhabe ke peechhe kuchh kamre bane hai... aap bolo to mai wahi par rukne ka intezaam kar deta hu... subah hote hi nikal jaana"
" Kya bakwas kar rahe ho... tune daru pee hai kya?", Rakshit gusse aur shak bhari nazar se Sonu ki or dekhta hai
" Nahi saab aage mat jaao... aaj poornmasi ki raat hai... is raat koi bhi  raste se hokar nahi guzarta hai... yahan se 10 kilometer aage ek gaanv padta hai behroopa... ekdam veeran gaanv hai saab koi nahi rehta wahan....jisne bhi poornmasi ki raat us gaanv me kadam rakha uski maut nishchit hai... ye road bhi usi gaanv se hokar jaati hai"
"Mujhe to lagta hai ye ladka pagal hai...Harshita Anant chalo yahan se", Rakshit gusse me car ki or aage badhta hai aur Anant use rokta hai," Ruk jaao Rakshit ek baar iski baat sun lo"

Post a Comment: