Sunday, 1 November 2015

Project S.U.C.D
(महानायक विस्तार) :
~~~~~~~~~~~~~

[Inside The Axe Machine :
Axe Machine mein atirikt indhan ki bharpayi mein samay lagna tha...aur tab tak mahanayak Axe mein Fashe huye rahne wale the..
Tabhi Surya (Axe) ne sabhi mahanayakon ke saamne uss soorveer ki kahaani pesh ki jise naa toh purano mein kabhi sthan mila...na usey bhavishya mein koi jaan paya tha ...ABB TAK...

Surya : "Dosto !! main samayamik yantra se ek aisi sakshiyat se mil aya jo ki kaafi kuchh Dhruva ki tarah hi tha...aaj se sadiyon pehle...satyug ke samay mein...kya pata sayad Dhruva ka pichhla janm ho. kyun ki ussey dhruva ki rating mill rahi thi..maine toh socha tha ki sayad dhruva ho par tha koi aur par tha Dhruva jaisa hi...matlab shakl.shurat aur Buddhimani se..baaki batein toh devputro wali thi...uski zindagi ke kuchh pal bahut hi dukhh dayi the..jeevan nark ban gaya tha uska ..khair...main ye katha sunata hun...umm dikhata hun."

Axe Machine pr lagi Holoscreens ne Surya ki mastishk se nikalti Electronic tarangon ko lekar uski baaton ko ek film ki tarah chalane lagi...aur sabhi mahanayakon ki nazrein Holo screens par tikti chali gayi..]

(*Surya, Axe machine aur superheroes ki Vistrit kahani janne ke liye padhen Project S.U.C.D shinkhla*)

~~~~~~~~~~~~~~~~~~~~~~~~~~~~~~~~~~~
An Accursed Warrior - The Lost years
(Based on Comics Story of An Accursed Warrior(*Original) by Nishant Mourya)
~~~~~~~~~~~~~~~~~~~~~~~~~~~~~
(Chapter - 1 : Demigod's Destiny)
----------------------------------
YakshNagar ke kaeen feet niche :

PatalNagri :-

Ek mahayudhh lada jaa Raha tha...
Yakshkumar Akshansh aur senapati Kaalputra ke yudhh kushalta ka tezz patal lok ke asuron par bhari pada ...
Akshansh ke talwar ki tezz wahan ke adhe asuron ka safaya kar chuki thi...uske musthi ke ek prahar se Rakshash sheedhe mrityu sajya mein vilin ho jate...talwaar ki dhaar jo parvat ka sheena tak chir shakti thi wo asuron ko patton ki tarah kaat rahi thi..

Dharmputra : "Gherlo saare Danavon ko....aaj inhone utpaat ki samast Simaon ka ullanghan kar daala..
Asur-raj bach ke jaane na paye..maharani Riddhima ka apaharan karke usne apni mrityu ko lalkara hai...aaj uska shis uske sharir se alag kar dunga.."

Danavon mein hahakar macha hua tha..Yakshputra(Akshansh) ne apni boudhik aur sharirik bal prayog kar kaafi chaturai se Asur raj Kripan ko Dhar dabocha..phir kuchh sainik bhaari bharkam gadaon se Kripan par prahar karne lage.

Dharmputra :" aakhir kar aapne kar dikhaya Yakshkumar ..
Sainikon isse palayan karne naa dena.. "..
....kuchh samay ke liye wo lachar sa pada karah raha tha ..phir najane kaise usey wo shakti aur furti mili ki wo ek hi vaar mein sabhi sainikon ko pajhad daala..aur ek lambi chhalang laga kar ek muhann par tik gaya..

Kripan :" Dharmputra tuney aur teri sena ne jarur mujhe aur asur jaati ko parajit kiya hoga..parr maine abhi parajay swikaar nahin ki hai. .main phir wapas aaunga..avashya aaunga.. apne sharirik aur Maanshik harr vyatha ka tujhse pratisodh lunga.. "

Itna kah kar wo uss muhaan mein hi sama gaya...

Asur-raj Kripan apne mann mein parajay ki glaani liye krodhh bhari manshik sthiti mein patal lok se palayan karte hain..Asuron mein trahi mach jati hai..phir asuron ka senapati raja se kshma mangta hai.

Asur-Senapati : Kshma karein humey Maharaj ...hum toh bas apne raja ka adesh maan rahe the..par unhone humey yudhh mein akela chhod diya. .ab iss yudhh ka koi arth hi nahi raha gaya, aap Maharani ji ko le sakte hain...wo shakusal aur surakshit hain.."

Dharmputra krodh mein aagbabula hua asur-senapati par nazar gadaye huye thha.

Dharmputra : "agar tum shahanshilta dikha rahe ho toh uttam vichar hai...parantu phir kabhi kisi patalpuri asur ne dharti par kohram machaya....toh smaran rahe hum samul asur jaati ka vinas kar denge..."

Asur-Senapati :" kshama maharaj...hum prayas karenge ki dhara ke upar praniyon par hamare karan koi asuvidha na ho. ."

Dharmputra : "Hmm. .Yahi Tumhare liye uchit hoga ..senapati.."

Maharani Riddhima ko asuron ke bandhakta se mukt kar Raja Dharmputra aur unki sena Rajya wapas lout aye..Raja Dharmputra ne Yakshkumar ke prashansa mein itne khoye rahe ki apne Anuj Kaalputra ko andekha sa kar diya.
Dharmputra ka Yakshkumar ke prati apeksha se adhik aadar dekh Kaalputra ke mann ke kisi kone mein irshya ki ekk chhoti si chingari jal uthhi.

Raja Dharmputra ne Dusre hi dinn  ek maha-sabha ka ayojan kiya...
Raja yakshputra Akshansh se atyant prasanna the...Raja ke mann mein kuchh soch panap rahi thi..aur Raja Dharmputra ki ye soch uss maha-sabha mein unke mukh se bahar ayi -"Sabha ke sabhi parijan gan!!, yun toh humne patal daityon pr vijay haasil kr li aur Maharani Riddhima ko unke changul se sampurntah mukt karalaye..pr yah yudhh hum Yakshkumar ke bina sayad hi vijayi hopatey..atah: is vijayiyatra ke sabse bade bhagi aur Nayak Yakshkumar hi hain.., Humari ek manokamna hai, agar yakshkumar chahe toh hum ye ghoshna karna chahte hain ki wo ab se Yakshnagar mein hi rahein aur yahan ka suraksha bhar wahi sambhalein..."

Raja ke baktavya ne sabha ke sabhi pratinidhi parijanon mein ek utshah ki lahari bikher di..."Ye prastav atyant mannvanchhit hai Maharaj, Yakshkumar agar humarey rajya ka suraksha bhaar uthaen toh humare liye ye garv ki baat hogi..unhe iss prastav mein avashya sahmat hona chahiye..."...
Praja mein utshah bhari khal bali mach rahi thi," Haan Haan unhe is rajya ke suraksha ka bhar avashya hi uthana chahiye...kyun bhaiyon...??" -"Haan haan Avashya uthana chahiye...humare rajya ki suraksha issey aur sashakt ho jayegi...unhe ye prashtav avashya maan lena chahiye. "
Prajaon ke samarthan ke beech koi tha jise iss nispatti par prasannata dikhayi nahi de rahi thi, iss nishpatti par uske mann mein apatti thi..usey bhay tha ki kahin Akshansh ke aane par uski kshamata par koi ashanka ya prashna bachya na uthh jaye .

Akshansh : "Maharaj , Main apke prastav ka samman karta hun , parantu main ye prastav apni ichha se grahan nahin kar sakta mujhe ismey apne pitashree ki anumati chahiye.."

Dharmputra : "hum yudhh ke paschat apni akanksha ko rok na pate huye aapke pitase iss vishaya mein vichar-vimarsh kar chuke, unhe iss prastav se koi apatti nahin ... wo swayam yaha chahte hain...ki aap kisi rajya ke suraksha pranali, rann niti, yudhh-kala mein aur adhik avagat aur parangam hon....fir bhi wo chahte thhe ki antim nishpatti apki ho.."

Akshansh : "Maharaj ,agar pitashree chahte hain toh main bhala kaise unki akankhyaon ka ashamarthan kar sakta hun...!! Main yaha karya bhaar avashya uthaunga..aur nahi aapko aur naahi pitashri ko kabhi nirash hone ka avashar dunga.... main yaha nishchya karta hun ki main apna kartavya nishthapurvak nibhaunga...."

Yakshkumar ke sahmati ke saath Raja, Pratinidhi aur  Prajagan mein jaise anand ki lahri khel gayi..,
"Maharaj Dharmputra ki ...Jai ho...!!!
Yakshkumar Akshansh ki . . .jai ho...!!!"

Prajaon ke jai jai kar ke saath hi ye mahasabha samapt hui..inn samast nirnayon se koi atyant Byathit tatha krodhit ho chuka tha, usne turant hi waha sthan parityag kar diya...wo Senapati Kaalputra tha.....
Aur phir sandhya ke samay se purv, ek mahabhoj ka prarambh hua...
Raja aur prajagan sabhi ne iss bhoj ka anand liya...
Mahabhoj ke paschaat mehfil saji ,jasn hua...apni safalta aur Yakshkumar ke sahmati par sabhi anandit aur utshahit the...pr Akshansh ko ye mehfilein Anand daayi pratit nahin ho rahi thi.. usne raja se anumati li aur apne mitra Kalpaksh ke saath kuchh samay ke liye mahal bhraman par nikal pada.

Yakshnagar ka rajmahal ek anokha ehsaas jagata tha..
Akshansh aur unke mitra rajmahal ki soundaryata pr bimohit aur achambha ho gaye...

Kalpaksh : "mitra Akshansh !! Ye mahal atyant akarshak hai...
Yahan ki sandhya kitni nirali hai...phulon ki wo bagichaen ,wo gagri dhari pratima wala jal kund....aur yahan ki ye manmohak sugandhit hawa...hamara dhyan akarshit kar rahi hai...athva ye kahen ki hamara man moh rahi hai..."

Akshansh : "tumne mere hridaya ki baat kah daali....Kalpaksh, yahan ki sobha atulniya hai ."

Isse pehli Akshansh apne mann ki baat puri karpata ki tabhi saamne se senapati Kaalputra padhare...

Kaalputra : "Haan, hamare mahal ki baat hi kuchh aisi hai..Yakshkumar, ab aap bhi Yahan par honge toh iss mahal ko aur achhi tarah se jaan payenge. yudhh ke paschaat hum tumse mil nahi paye ... Yudhh mein apki kala dekh kar apki prasansha na kar paye toh humey achha nahi lagega."

Akshansh : " Dhanyavad ,Senapati..! Par Yudhh mein aapne bhi atyant veerta ke saath yudhh ladha hai...mujhey aapki yudhhkala kaafi  pasand ayi yaha kala main aapse avashya sikhna chahunga."

Kaalputra : "Avashya Yakshkumar . mujhey aapko yaha kala sikhane mein Prasannata hogi..par apse bhi nivedan hai ki aap apni yudhhkala ka kuchh bhag humey bhi sikhaiyega..parantu abhi humey prasthan karna hoga..aapse dobara mulakaat jarur hogi...aap kripya mahal bhraman jaari rakhen."

Akshansh : "Avashya Senapati..."

Kaalputra ke wahan se prasthan karte karte uske mukh se krurta se bhari krodh ki ek halki si jhalak dikhayi deti hai.

Idhar Darwan ke saath Akshansh aur uske mitra agrashar hote hain..kuchh kadam ki duri par ek kaksh padta hai...

Akshansh : Darwan ye kounsa kaksh hai.??

Darwan : ye smriti kaksh hai Yakshkumar , Yahan par rajgharane ke sabhi parivaar sadashyon ke pattchitra rakhe gaye hain...

Akshansh : kya hum ye kaksh paridarshan kar sakte hain..Darwan ??

Darwan : Avashya Yakshkumar !! Aiye mein aapko yaha kaksh  dikhata hun..

Smriti kaksh ke andar jate hi Akshansh aur uske mitra Achambhit ho gaye ..us kaksh mein purv raja ,maharaja ,raniyon ,raj gharane ke parivar sadasyon ki badi badi Pattchitrakala kramanusar diwaar pr mouzud thi....Darwan Akshansh aur uske saathiyon ko unn sabhi rajsadashyon ke baare mein kehta chala...jitna jitna uss rajparivaar ke baare mein jante gaye.utni hi unki jigyasha badh rahi  thi..

Tabhi Akshansh ek tasveer ke paas akar ruk gaya...wo uss tasveer mein jaise kho sa gaya...uss tasveer ne unhe jaise ek jeevit pratima sa bana diya ho...usey uss tasveer se apnapan sa lagne laga..

Jigyasha ke taur par Akshansh ne Darwan se puchhliye ..
Akshansh : " Darwan!! Ye Tasveer kiski hai...??"

Darwan : " Yakshkumar , ye chitrapatt Rajkumari Yakshanshi ki hai.. raja Dharmputra ki eklouti putri hain...parantu abhi wo maharshi Vishesh ke Ashram mein siksha adhyayan karne hetu gayi hui hain."

Akshansh : " 'Yakshanshi' ye naam atyant pehchana hua pratit hota hai !!"

Darwan : "Wo issliye Yakshkumar , Kyun ki Maharaja Dharmputra aur Maharani Riddhima ke Yaksh dev ki upasana ke paschaat hi unhe rajkumari Yakshanshi prapt hui...aur yakshdev ki kripa se unhone rajkumari ka naam Yakshanshi rakha..
Kahte hain ki raj kumari ke janm se koi rahshya juda hai...sayad koi vardaan..par iss sambandh mein sayad maharaj hi kuchh vistaar se bata sakein.."

Akshansh : "inki jivani toh kaafi Romanchak hai..."

Antim tasveer ke baad sabhi kaksh se bahar aagaye..
phir Darwan ne Akshansh aur uske mitra ko unke kaksh ki taraf le chala.

Darwan : "Yaha raha apka bishram kaksh Yakshkumar.. asha hai apki ratri achhi kate...agar apko kisi bhi prakar ki sahayata ki avashyakta pade toh aap sevakon ko kabhi bhi bulalein..wo iss kaksh ke bahar, dvar ke samip hi upasthit rahenge.."

Akshansh : "Dhanyabad Darwan. Humari sahayata karne ke liye."

Darwan : "Dhanyavad ki avashyakta nahi hai, Yakshkumar. Main toh bas RajAgyan ka palan kar raha hun. Subh-Ratri."

Akshansh : "Subh-Ratri Darwan !!"

Kaksh ke andar avashit palang par dono balak Nistez sa ho kar gir pade...

Akshansh : "ab bishram kar lo mitra , Kalpaksh... ek lambe yudhh ke baad ajj bishram karne ka anand hi kuchh aur hoga...",

Kalpaksh : "ab toh mein ek saptah ke baad hi uthhna chahunga.... chahe mujhe ek sahasra kodey hi maarlo.."

Akshansh : ha-ha-ha !!! Aaj toh main bas vishram karne ke liye thoda samay aur sthan chahta tha...jo ab jake mili hai hume..

Kalpaksh : "haan ,aur Rajkumari ki chitrapatt dekh kar kaise pratima ki tarah khade the .. ye main aur Darwan tumhe bhalibhaanti dekh rahe the...kahin unki chitrapatt par hriday toh nyochhavar nahi kar diya tumne..

Akshansh : "Nahi mitra..wo chitrapatt atyant jeevant lag raha tha...mano wo rajkumari ki chitrapatt nahin ..khud rajkumari hamey dekh rahi ho...unki ankhon ki lay mein dooba rahun, esa lag raha tha.
unki soundaryata hamey kuchh samay ke liye kisi aur sansaar mein jaise le gayi ho esa pratit ho raha tha..mann mein ekk sheetal sa ehsaas jaga rahi ho..esa apnapan humey lag raha tha...."

Kalpaksh : " bas-bas bhratey ...aap toh puri kavita iss vishay par suna daaloge...mujhe aur nahin sun na...mera mastishk sone ki koshish kar raha hai...kripya apni bhavnao par niyantran rakh ke so jayen aur swapn dekhne ka kast karein...baaki ke kathan suryoday ke paschat kar lena..
Subh-Ratri...
Akshansh : "Arey par pahle sunn toh lo...achchha thik hai ...subh-Ratri..mitra..."

Akshansh phir ankhen mund kar ek halki si mushkurahat liye swapno ke saagar mein doob gaya...

Madhyaratri ka samay
Rajmahal me Kaalputra apne kamre mein baithe dhyan mein linn baitha..mantron ka uchcharan kar raha tha..uske thik saamne ek kritrim havan kund banaya hua tha...jahan...wo tantra vidya ki sadhna kar raha hai...hawan kund mein ruk ruk ke tel daal deta hai, isse aag aur bhi prajvalit ho uthti hai..aur Kaalputra ke chehre se krodh, Irshya aur krurta ki jhalak saaf saaf nazar aane lagti hai. fir paas hi mein thaali par pade memne ke kate huye sar ko shaitan dev ko bhent chadhata hai...
Aur tatpashchat havankund se nikalte dhuon se ekk bhayankar mukh ki chhabi ubhar ne lagi..

Akriti : "vatsh!! aanke khol...tera prabhu tere saamne hai ....dekh...Kaalputra..."

Kaalputra : " Pranam ,shaitan dev..."

Akriti :"bol Kaalputra .. tujhe kya chahiye..."

Kaalputra atyant krodhit aur gussele swar se bol utha : "Hey shaitan dev ...!! Mujhe Yakshon se nafrat hai...vishesh rup se uss yaksh dev aur uska wo tuchh putra Akshansh se...mujhse unki garima dekhi nahi jaati...mein unn.."

Akriti (karkashta bhari sabdon se) : " Hum samajh sakte hain...Kaalputra... teri vyatha... tu chintit mat ho...tere mann ki vyatha ko main dekh paraha hun...tujhe marmahat honey ki avasyakta nahin hai ...vatsh...
Tere pratidvandhi ki niyati likhi jaa chuki...uske aage kain adchane ....mushkilein..bhar-bhar kar ayengi... aur mrityu aisi ayegi ki puri sristi thar thar kampegi...tu nischint reh putr...teri manokamna jarur puri hogi...

Kaalputra : "main yahi chahta hun ,shaitan dev...asha karta hun meri utkanthha jarur puri hogi..."

Aur fir wo akriti dubara se sadharan dhuen mein parivartit hokar..havankund mein samagayi...

Shaitan dev ki Kaalputra se kahi hui baatein....jald hi Akshansh ke bhagya par prashnchinh ban ubharne wali thi...

Agle din suvah suvah kaksh ke bahar se hote halke se bhag doud ke sabdh saaf sunai de rahi thi..
Akshansh aur Kalpaksh fouran kaksh se bahar aagaye...
Paas se hi gujarte ek darwari se Akshansh ne inn sab ka karan puchha...: "Darwari kya mein jaan sakta hun iss bhag doud ka karan...??"

Darwari : Humey aaphi ki sahayata ki avashyakta hai , Yakshkumar..
Aap humare saath sighratisighra maharaj ke paas chaliye...

Akshansh : Parantu hua kya hai Darvari...???

Darwari : aap khud hi jaan jayenge ,Yakshkumar. Hamey bas aapko maharaj ke paas le jane ka adesh hai..

Darvari ,Yakshkumar aur uske mitra ke saath mahal ke dwar ke paas aapahunche...
Wahan par raja Dharmputra chinta mein leen hue ..soch ki sagar mein dubey hue the..
Dharmputra ka dhyan kisike prashn se bhang hua...

Akshansh : Rajan !! Kya mein aapke iss chinta ka karan jaan sakta hun..??

Dharmputra : chinta ka vishay to hai Yakshkumar ,aur aapko iss vishay se avgat karana atyant avashyak hai...

Akshansh : to fir aap mujhse nishankoch apni vyatha ka varnan kar sakte hain...

Dharmputra : vishaya atyant hi gambhir hai ,Yakshkumar...
Vastav mein hamari chinta ka vishaya ye hai ki rajya ke simavarti ilakon se humare sainikon ke dvara kuchh ashvamanavon ke sav uddhar kiye gaye hain..aur unki mrityu atyant hi barbarata purn hui hai...
Sambhav hai ki unhe kisi lambe, painedaar nakhuno wale jeev ne hatya ki ho...achha hoga aap unhe swayam hi dekh lein...

Akshansh : Jaisi apki ichchha , Maharaj..

Fir ashwon par savar ho kar raja Dharmputra , Akshansh aur Kalpaksh ke saath ghatnasthal ki ore chal pade...

Simavarti kshetra :
Akshansh aur Raja Dharmputra ashwon se utarte hain.
Wahan par kuchh sainik ashwamanavon ke mrit-sariron ko nihare aapas mein alochana kar rahe the. Fir Maharaj aur Akshansh ko aate dekh sabhi ek taraf chale jaate hain..

Akshansh uss mrit ashwamanav ko dekh kuchh samay ke liye soch mein pad gaya.... kuchh derr baad usey tatol ta hai aur ghawa ko achhi tarah se dekhta hai...

Akshansh : Rajan, Ashwamanav toh kabhi rajya ki simaon ke andar toh nahin atey ,hai na ??

Dharmputra : nahin Yakshkumar, Ashwamanav aur vann ke dusre prani vann se kadapi Rajya ke sima ke bhitar nahin aasakte, kyun ki saalon pehle huye vann niti ke niyamon ke anusar , vann ke prani aur manav kabhi ek dusre ke kshetra par jaane mein vaaran hain aur iss vann ki adbhut rakshak shaktiyan inn praniyon ki raksha avashya karti hain, par yah samajh ke pare hai ki koi inki hatya kar bhi paya..

Akshansh : mujhe pratit ho raha hai ki iski hatya ..kisi bade , balshali aur shayad mashahari pashu ne kiya hai..kyun ki koi bhi Sadharan pashu ashwamanav jaise prani ka saralta se shikar nahi kar sakta...isey ya toh kishi balshaali Byaghra ne ya fir kisi daitya ne maara hai...ek aur baat meri dristi mein padi ..iss ashwamanav ki hatya ka prakar dekh kar yah pratit ho raha hai ki Ashwamanav ki hatya mein ek aur jeev bhi sammilit ho sakta hai..par main yaha daave ke saath nahin kah sakta..

Dharmputra : kounsa jeev Yakshkumar ?? aap kis prani ki baat kar rahe hain ??

Akshansh : iske sarir ke kuchh ghawa aur charm ko iss tarah se phada jana ekk aur jeev ki taraf ishare kar rahe hai.. Iss prani ki hatya mein shambhavtah kuchh raktpishach bhi sammilit hain..Rajan.

Dharmputra : "Raktpishach humari nagri ke paas ...???!!!
yah toh vyathit karne yogya samachar pratit hota hai...
Apka sandeh satya ho sakta hai...Yakshkumar..humne iss vishay par toh dhyan hi nahin diye.
Kyunki kuchh deeno se raktpishachon ke gatividhi ke samachar humey mil toh rahe the..par Maharani Riddhima ke Asuron dwara apaharan tatha bandi bana lene aur hamare yuddh niti banane par dhyan rahne ke karan hum inn samasyaon par dhyan nahin de paa rahe the...Prarthana karta hun ki raktpishachon ki wajah se rajya ke praja ko koi badi haani na pahunchi ho...
Humey turant hi sainikon ki ekk tukdi rajya ke inn seemavarti vannon mein bhejni chahiye...taki wo Raktpishachon ko yahan ke aaspaas wale kshetron se bitadit karein tatha maar bhagaein...aur uss nrishansh prani ka bhi anusandhan karein jo iss nirih Ashwamanav ki hatya karne ka dusshahas kar baitha...."

Kaalputra raja ke pichhe pichhe ghantasthal par pahunch gaya tha....akasmat pichhe se bol pada... : " Maharaj , iss abhiyan ke liye Yakshkumar ko bhi Avashar dena chahiye...aakhir Yakshkumar ne rajya ke suraksha bhaar ka dayitva uthaya hai..."

Dharmputra : aapka sujhav sahi hai , Senapati..humey Yakshkumar ko ye avshar avashya dena chahiye...

Akshansh : "Main iss abhiyan mein jaane ke liye taiyaar hun ,Maharaj...mujhe bas apne mitra Kalpaksh se Ekant mein kuchh vichat-vimarsh karna hai..."

Dharmputra : "aap apna samay le sakte hain.. Yakshkumar..."

Akshansh : Dhanyavad Maharaj..

Akshansh aur Kalpaksh thodi duri par chale gaye...

Akshansh : " Mitra Kalpaksh ..maharaj jis bann mein humein bhej rahe hain..wahan ke kabeelon ke baare main jante ho na..??"

Kalpaksh : "wahan par jaana sahi hoga kya  ..mitra . ??
Wo tilismi jungle hai ...aur wahan par jaane ki humey mana hi hai..."

Akshansh : "ye niyam kisne laagu kar diya..??"

Kalpaksh : "Tumhare pita ne bhulakkad . .., tum kahin parihaas toh nahi kar rahe ho.."

Akshansh : "ha-ha..arey mere bhole bandhu tum darte thode adhik ho...Peetashri ne hi toh humey agyan diya hai iss nagri ki suraksha karne ke liye...ab nagri ki suraksha karne ke liye humey iss bann mein prasthan karna hi hoga. ..."

Kalpaksh : "Tum hamesha mujhe ese hi kaam karne ko kahte ho jo dussahasi purn ho...aur khatron se paripurn"

Akshansh : "kya karein tum mere mitra jo thehre...aur bahut bade ladaku bhi...tumhare rehte koi shatru humey chhu bhi saka hai bhala !!??"

Kalpaksh : "fir humey chalna chahiye ??"

Akshansh : "chalo ".

Dono Raja Dharmputra ke paas gaye..

Akshansh : "Rajan, Hum vann mein jaane ke liye prastut hain.."

Dharmputra : "Humey khushi hai Yakshkumar ki aapne yaha beeda uthayi.....aap avashya safal hokar lautenge yah humara aap par pura bishwas hai ...par aapko apke saathiyon se bhi milate hain.."

Ainsa kahkar Raja Dharmputra ne apne mantri ko adesh diye aur teen hristprust manav unke saamne chale aye...
Dharmputra ne unn teen surveeron ke parichay diye.  "Harshak , Veditya aur Kouthar." Jo rajya mein "*Aparajeya Tri-Garud*" ke naam se jaane jaate the.

Akshansh : "Dhanyavad Maharaj ab humey agya dein ..."

Fir rajya ke unn tinn surveer aur jaanbaz yoddhao ke saath Akshansh aur Kalpaksh puri taiyaari mein raja Dharmputra se agya lekar uss tilismi vann ki ore chal pade aur iss tarah se Yakshnagar se Yakshkumar ne Yakshnagar ki suraksha ka bhaar uthate huey apni paanch(5) Shakti prapti yatra ke pehli Romanchak yatra ki ore apna pehla kadam badhaya...     {Samapt ???}
                (To be Continued...)
                  (Wait for the Next : Chapter #2 : Tilismi Vann ka Rakhwala)

Post a Comment: